Барыс Ақкөл балалар үйінің тәрбиеленушілеріне мастер-класс өткізді

«Менімен жақсылық жаса» қоғамдық қоры мен «Туризм және спорт индустриясын қолдау қоры» клубының серіктесінің қолдауымен бірлесіп ұйымдастырылған іс-шара «Барыс Аренада» өтті. Мастер-классқа «Барыс» ойыншылары Андрей Шутов, Даниил Кудимов, Кирилл Савицкий, Аркадий Шестаков, Даниил Апалков, Батырлан Мұратов, Евгений Рымарев және Роман Старченко, сондай-ақ бапкерлер штабының өкілдері Талғат Жайлауов пен Константин Пушкарев қатысты.

Сабақ аясында Ақкөл балалар үйінің тәрбиеленушілері кәсіби ойыншылармен бірге бірнеше жаттығулар орындап, дәстүрлі екі жақты ойын өткізді, сондай-ақ фотосессияға қатысты. Мастер-класс соңында қонақтар «Барыс» пен Қазақстан хоккей Федерациясынан естелік сыйлықтар алып, Қазақстандық хоккей мұражайына барды.

Фарид Киреев, «Менімен жақсылық жаса» қоғамдық қорының негізін қалаушысы

– Басты мақсат - балаларға мұнда бәрі кәсіби жағынан қалай жұмыс істейтінін көрсету. Балалар «Барыс» ойыншыларымен және Қазақстан құрамасымен бір мұзда шұғылданды, өз кумирлерімен сөйлесе алды, жаңа нәрсе білді. Әрине, бұл айтып жеткізуге болмайтын эмоциялар. Біз бұл уақытқа дейін клубпен осындай акциялар өткізгенбіз, олар тіпті Ақкөл қаласына да келген еді. Біздің ынтымақтастығымыз әлі де жалғасады деп үміттенеміз.

Аркадий Шестаков, «Барыс» шабуылшысы

- Маусымға қарағанда, қазір біздің жұмыс кестеміз әлдеқайда бос. Сондықтан, мұндай іс-шараларға қатысуға, балаларға аренаны, біздің жаттығуларымызды көрсетуге уақыт бар. Тек көрсетіп қана емес, олардың өздері де қатысты. Біз бұл жаттығулармен әдетте өзіміз де айналысамыз. Мен олардың бәрі жақсы сырғанап, шайбамен жұмыс істей алатынына таң қалдым. «1-де 0» жасағанда, бәрі қашып, ұрып-соғып, лақтырды. Жалпы, бұл жақсы нәрсе, балалар хоккейін дамыту керек. «Барыс» әрдайым осындай іс-шараларға қатысуға, кейде тіпті мүмкіндігіне қарай басқа қалаларға баруға тырысады. Менің ойымша, бәрі бүгін рахат алды.

«Барыс» ХК бас серіктесі – «Самұрық-Қазына «ҰӘҚ» АҚ

Достарыңызбен бөлісіңіз